ભરૂચ જિલ્લાના વાલિયા તાલુકાના હીરાપોર ગામ ની સીમમાં દીપડાના હુમલામાં બે વ્યક્તિ ઘાયલ થયા હોવાનું જાણવા મળ્યું છે.બે જેટલા લોકો શેરડીના ખેતરમાં કામ કરી રહ્યા હતા.દરમિયાન અચાનક દીપડાએ હુમલો કરતા બંને લોકોને શરીરના ભાગે સામાન્ય ઈજાઓ પહોંચી હતી.જેઓને તાત્કાલિક સારવાર અર્થે ખસેડવામાં આવ્યા હતા.
દીપડાના હુમલામાં બે લોકો ઘાયલ થયા હોવાના સમાચાર સ્થાનિક ગામોમાં પ્રસરતા ગામલોકોમાં ફફડાટ ફેલાયો હતો.તો મામલા અંગેની જાણ વન વિભાગને કરવામાં આવતા વન વિભાગે ઘટનાને ગંભીરતાથી લઇ દીપડાની શોધખોળ હાથધરી તેને પાંજરે પુરવાના પ્રયત્નો શરૂ કર્યા હતા.
Advertisement
