ભરૂચના મહંમદપુરા વિસ્તારમાં ઉભેલા ટેમ્પામાં અચાનક ભીષણ આગ ફાટી નીકળતા દોડધામ.

બનાવ અંગે જાણવા મળતી માહિતી મુજબ ભરૂચ શહેરના મહંમદપુરા વિસ્તારમાં આવેલ શેઠ કોમ્પ્લેક્ષ નજીક એક છોટા હાથી ટેમ્પો પાર્ક કરવામાં આવ્યો હતો.જેમાં કોઈ કારણોસર અચાનક આગ ભભૂકી ઉઠતા ભારે દોડધામ મચી જવા પામી હતી. ઘટના અંગેની જાણ ભરૂચ નગર પાલીકાના ફાયર વિભાગને કરવામાં આવતા ફાયરના લશ્કરોએ તાત્કાલિક ઘટના સ્થળે દોડી જઈ સમગ્ર આગ ઉપર કાબુ મેળવ્યો હતો. જોકે સદનસીબે આગ લાગવાની સમગ્ર ઘટનામાં કોઈ પણ પ્રકારની જાનહાની થવા ન પામી હતી.