ભરૂચ પેરોલ ફલૉ સ્કોડ પોલીસે કસ્ટમ ઓફિસરના નામે છેતરપીંડીના ગુનામાં સંડોવાયેલ આરોપીને ઝડપી પાડી કાયદેસરની કાર્યવાહી હાથ ધરી…

દિનેશભાઇ અડવાણી

પ્રાપ્ત માહિતી અનુસાર ભરૂચ પેરોલ ફલૉ સ્કોડ પોલીસની ટીમ અંકલેશ્વર શહેરમાં પેટ્રોલિંગમાં હતી તે દરમિયાન બાતમી મળી હતી કે પ્રતિન વિસ્તારમાં આવેલ મોનાર્ચ હોટલમાં એક શંકાસ્પદ ઇસમ રોકાયો છે.જેવી બાતમીના આધારે પોલીસે દરોડો પાડી રૂમ નંબર-૧૧૭ માં રોકાયેલ મુંબઈના હીરાનંદની ગાર્ડન સ્થિત ગોલેરીયા બી-વિંગમાં રહેતા અબ્દુલ રઉફ હસવારેની અટકાયત કરી તેની પાસેથી પાનકાર્ડ,મોબાઈલ ફોન મળી કુલ પાંચ હજારનો મુદ્દામાલ કબજે કરી તેની પ્રાથમિક પૂછપરછ કરતા તે કસ્ટમ ઓફિસરના નામે લોકો સાથે છેતરપીંડી કરતો હોવાનું કબુલ કરતા પોલીસે તેની ધરપકડ કરી તેની વધુ તપાસ કરતા તેના વિરુદ્ધ વડોદરાના વાઘોડિયા પોલીસ મથકે ગુનો નોંધાયો હોવાનું જણાવ્યું હતું. જેથી પોલીસે વાઘોડિયા પોલીસને જાણ કરી કાયદેસરની કાર્યવાહી હાથ ધરી છે.