અંકલેશ્વરનાં કોંઢ ગામે આવેલ જવેલર્સની દુકાનને તસ્કરોએ નિશાન બનાવી, શટર તોડી અપાયો ચોરીને અંજામ, સમગ્ર ઘટના સીસીટીવી માં કેદ.

બનાવ અંગેની જાણવા મળતી માહિતી અનુસાર ભરૂચ જિલ્લાના અંકલેશ્વરના કોંઢ ગામ ખાતે આવેલ અંબિકા જવેલર્સ નામની દુકાનમાં મળસ્કે સવારે ઇકો કાર લઇ આવેલા અજાણ્યા તસ્કરોએ દુકાનનું શટર તોડી અંદર પ્રવેશ કરી સોના-ચાંદીના દાગીના સહિતની વસ્તુઓની ચોરી કરી હોવાનું સામે આવતા ચકચાર મચ્યો હતો.

તસ્કરોએ શટર તોડીને દુકાનમાંથી ઘરેણાં સહિતની વસ્તુઓ ઉપર હાથફેરો કર્યો હોવાનું અનુમાન લગાવાઈ રહ્યું છે, જોકે તસ્કરોની તમામ કરતૂતો નજીકમાં લાગેલ સીસીટીવી કેમેરામાં કેદ થઈ જતા ચોરી કરવા આવેલ અજાણ્યા તસ્કરો સામે પોલીસે ફૂટેજની મદદ મેળવી મામલા અંગે ગુનો નોંધવાની તજવીજ હાથ ધરી છે.