અંકલેશ્વરમાં તસ્કરો જાણે કે બેફામ બન્યા હોય તેવી સ્થિતીનું સર્જન થયું છે, શહેર અને ગ્રામ્ય વિસ્તારોમાં દિન પ્રતિદિન થતા ચોરીઓના બનાવોમાં જ્યાં એક તરફ લોકોની સાથે સાથે પોલીસને દોડતી કરી છે તો બીજી તરફ અવારનવાર ઘટનાઓ પ્રકાશમાં આવતા હજુ પણ થમવાનું નામ ન લેતી હોય તેમ લાગી રહ્યું છે.
અંકલેશ્વરનાં દઢાલ નજીક ગ્રીનસીટી સોસાયટીમાંથી 2 જેટલી બાઇકોની એક સાથે ઉઠાંતરી થતા ચકચાર મચ્યો છે, રાત્રીના સમયે સોસાયટીમાં પાર્ક કરેલ બાઇકોની ઉઠાંતરીનાં પગલે સોસાયટીનાં લોકોએ રાત્રીની નીદ્રા બાદ સવાર પડતા જ દોડતા મૂકી દીધા હતા, સાથે જ સમગ્ર મામલા અંગે પોલીસ ફરિયાદ દાખલ કરવાની પણ તજવીજ શરૂ કરવામાં આવી છે.
મહત્વનું છે કે અંકલેશ્વરમાં વધતાં જતા ચોરીઓનાં બનાવો પોલીસ માટે પણ પડકાર સમાન બન્યા છે, ત્યારે વધુ એક ઘટના સામે આવતા હવે પોલીસની નાઈટ પેટ્રોલીંગ જેવી બાબતો સામે પણ પ્રશ્નો ઉભા થયા છે, ત્યારે વહેલી તકે આ પ્રકારે બફામ બનેલા તસ્કરોને પોલીસ દ્વારા ઝડપી લઇ કાયદાના પાઠ ભણાવવામાં આવે તેવી લોક માંગ ચોરીની ઘટનાઓ બાદથી ઉઠવા પામી છે.
