અંકલેશ્વર નેશનલ હાઇવે નંબર 48 ઉપર હોટેલ હાઇવેમાં પાર્ક કરેલ ટ્રકમાંથી 1,51,440 ના એશિયન પેન્ટના કલરના ડબ્બા તેમજ ડ્રમની ચોરી થતા અંકલેશ્વર શહેર પોલીસ મથકે ફરિયાદ નોંધાવા પામી છે.

પ્રાપ્ત મળતી વિગતો અનુસાર ખંડાલા એશિયન પેન્ટ પરથી એશિયન પેન્ટના ડ્રમ તેમજ ડબ્બા ભરીને વડોદરાના છાણી ખાતે જઈ રહેલ માતંગી ટ્રાન્સપોર્ટના ટ્રકના ડ્રાઈવરને ઊંધ આવતા પોતાની ટ્રક અંકલેશ્વર નેશનલ હાઈવે નંબર-48 ઉપર આવેલ હોટલ હાઇવેમાં ટ્રક પાર્ક કરીને સુઈ ગયા હતા ત્યારે મધરાત્રીના સમયે અજાણ્યા તસ્કરોએ ટ્રકની તાડપત્રી તોડી દોરડું કાપી ટ્રકમાં ભરેલ એશિયન પેઇન્ટના નાના-મોટા કલરના ડબ્બાના બોક્સ નંગ-9 કિંમત રૂપિયા 78,840 તથા 10 લિટરના ડ્રમ નંગ-6 કિંમત રૂ 9,500 અને 20 લીટરના પતરા ના ડબ્બા નંગ-11 કિંમત રૂ 52,500 મળી કુલ કિંમત રૂપિયા 1,51,440 ના મુદ્દામાલ ઉપર હાથફેરો કરીને ફરાર થઈ જતા અંકલેશ્વર શહેર પોલીસ મથકે ફરિયાદ નોંધાઇ છે.અત્રે ઉલ્લેખનીય છે કે નેશનલ હાઇવે નંબર 48 ઉપર આવેલ હોટલોમાં દિન-પ્રતિદિન પાર્ક કરેલ ટ્રકમાંથી ચોરીની ઘટનામાં સતત વધારો નોંધાઈ રહ્યો છે ત્યારે પોલીસ દ્વારા હાઈવે ઉપર આતંક મચાવનાર ટોળકીને ઝડપી પાડી જેલના સળિયા પાછળ ધકેલવામાં આવે તે અત્યંત જરૂરી છે. જોકે આ અંગેની ફરિયાદ અંકલેશ્વર શહેર પોલીસ મથકે નોંધાતા પોલીસે ફરિયાદીની ફરિયાદના આધારે તપાસનો દોર શરૂ કર્યો છે.