– સત્તાધારી ભાજપ સરકારે બહુમતીનાં જોરે નગરપાલિકા એકટની કરી અવગણના.
– પ્રજાનાં રૂપિયાનો કરેલ વેડફાટ આખરે કોણ ભોગવશે ? શું સત્તાધારી પક્ષ પાસે છે ? આનો જવાબ
– નગરપાલિકા એકટની કલમ 37, 37(1) અને કલમ 70 મુજબની હાથ ધરાઇ કાર્યવાહી.
અંકલેશ્વર નગરપાલિકામાં સરકારી નિયમ અને પરિપત્રની અવગણના કરીને રૂ.10 લાખથી ઉપરની ગાડી ખરીદ કરેલ હોય અને સત્તાનો દુરપયોગ થયેલ હોય આથી નગરપાલિકા અધિનિયમ મુજબની કાર્યવાહી કરવા અંકલેશ્વર નગરપાલિકા પ્રમુખ મીનાબેન નગીનભઇ પટેલ, ઉપપ્રમુખ સભ્યોને પ્રદેશિક કમિશ્નરની કચેરી દ્વારા કારણ દર્શક નોટિસ પાઠવવામા આવી છે. આ તમામ વિગતો નગરપાલિકાનાં વિપક્ષી નેતા ભુપેન્દ્ર જાની સાથે વાતચીત કરતાં જાણવા મળી હતી.
અંકલેશ્વર નગરપાલિકામાં પ્રમુખ મીનાબેન નગીનભઇ પટેલ, ઉપપ્રમુખ અને સભ્યો ફરજ બજાવતા હોય નગરપાલિકામાં ગાડી ખરીદી અંગે બહુમતીનાં જોરે રૂ.10 લાખથી વધુની કિંમતની ગાડી ખરીદવાનો ઠરાવ પસાર થયો હોય ભાજપનાં નગરપાલિકાનાં શાસકો, નગરપાલિકા અધિનિયમ 1963 ની કલમ 37, 37(1) અને 70 મુજબની કાર્યવાહી સાઉથ ઝોન કમિશ્નરની કચેરી સુરત ખાતે ચાલતી હોય જેમાં વિપક્ષી નેતાએ વિગતો આપી છે કે નગરપાલિકા એકટ અનુસાર કોઈપણ નગરપાલિકા હોય તો તેઓએ રૂ. 10 લાખ સુધીની ગાડી ખરીદી શકે છે પરંતુ જો રૂ.10 લાખથી વધુની કિંમતની ગાડી હોય તો સક્ષમ ઓથોરીટીની મંજૂરી મેળવવી આવશ્યક છે. અહીં અંકલેશ્વર નગરપાલિકાનાં ભાજપનાં સભ્યોએ બહુમતીનાં જોરે તા.30-1-2017 નાં રોજ ઠરાવ નં.135 થી બહુમતીનાં જોરે રૂ.17 લાખની કિંમતની “ઇનોવા” કાર ખરીદી કરેલ હોય. નગરપાલિકા એકટ અને સરકારી નિયમની અવગણના કરી સક્ષમ ઓથોરીટીની કોઈપણ પ્રકારની મંજૂરી લીધા વગર રૂ.10 લાખથી વધુ કિંમતની ગાડી ખરીદી હોય આથી સત્તા પક્ષનાં જે-તે સમયે નગરપાલિકા બોર્ડમાં જે સભ્યોએ ઠરાવની તરફેણમાં મતદાન કર્યું હોય તે તમામ સભ્યો પાસેથી ગાડીની કિંમત વસૂલ કરવામાં આવવી જોઈએ તેવું વિપક્ષી નેતા ભુપેન્દ્રભાઈ જાની સાથેની વાતચીતમા તેઓએ જણાવ્યુ હતું.
ગુજરાત નગરપાલિકા એકટ અનુસાર જે-તે વિસ્તારમાં નગરપાલિકાનાં સભ્યને સરકારી નિયમો અને પરિપત્ર અનુસાર ગાડીની ખરીદી કરવાની હોય છે. અહીં અંકલેશ્વર નગરપાલિકાનાં પ્રમુખ મીનાબેન નગીનભઇ પટેલ, ઉપપ્રમુખ અને સભ્યો દ્વારા બહુમતીનાં જોરે રૂ.17 લાખ જેવી માતબર રકમ પરિપત્રની અવગણના કરીને ગાડીની ખરીદીમાં રૂપિયાનો વેડફાટ કરેલ હોય આથી કોઈપણ જાતની પૂર્વ મંજૂરી વગર માત્ર બહુમતીનાં જોરે આ નિર્ણય લીધેલ હોય આથી આગામી તા.5/11/2020 નાં રોજ સાઉથ ઝોન કમિશ્નરની કચેરી સુરત ખાતે પ્રમુખ મીનાબેન નગીનભઇ પટેલ ઉપસ્થિત રહી લેખિત રજૂઆત કે ખુલાસો કરવો અન્યથા આ કાર્યવાહીમાં આપ આગળ કશું કહેવા માંગતા નથી તેવું સમજીને આગળની કાર્યવાહી હાથ ધરવામાં આવશે. અહીં નોંધનીય છે કે ભાજપનાં શાસનમાં બહુમતીનાં જોરે આવા તો અનેક નિર્ણયો લેવાતા હશે ? અહીં નગરપાલિકાનાં વિપક્ષી નેતા દ્વારા માત્ર વગર મંજૂરીએ લીધેલી ગાડીની વાતનું ખુલાસો કરવામાં આવ્યો છે. જેમાં ગાડીની મર્યાદા બહાર જઈને સત્તાધારી પક્ષનાં સભ્યોએ ગાડીની ખરીદી કરી છે અને પ્રજાના રૂપિયાનો વ્યય કર્યો છે ? આવું તો અન્ય અનેક કિસ્સાઓમાં થતું હશે ભાજપ સરકારનાં રાજમા નેતાઓ, મંત્રીઓ લ્હેર કરતાં હોવાનું ઘણીવાર ચર્ચામાં આવ્યું છે તો બીજી તરફ ગરીબ અને ભોળી પ્રજા પાસેથી ટેકસની વસૂલાત કરાઇ છે. પ્રજાનાં રૂપિયાનો આવો તો કેટકેટલી રીતે વેડફાટ થતો હશે ?
