અંકલેશ્વરનાં ત્રણ પોલીસ મથકોમાં ઝડપાયેલા 51 લાખ રૂપિયાનાં દારૂ પર બુલડોઝર ફેરવીને નાશ કરી દેવામાં આવતા બુટલેગરો અને નશા કરનારાઓમાં રોષ ફેલાયો હતો.

ગુજરાતમાં દારૂબંધીનો કડક અમલ કરવાની સૂચના બાદ પણ દરરોજ લાખો રૂપિયાનો દારૂ ભરૂચ જિલ્લામાં લાવવામાં આવી રહ્યો છે એટલું જ નહીં પણ જિલ્લામાંથી લક્ઝરી કારોમાં લાખો રૂપિયાનો દારૂ હેરાફેરી કરવામાં આવી રહ્યો છે ત્યાં ગઈ કાલે જ લાખો રૂપિયાનો દારૂ લક્ઝરી કારમાં ઝડપાયો હતો તો બીજી તરફ અંકલેશ્વરમાં લાખો રૂપિયાના દારૂ પર બુલડોઝર ફેરવી દેવામાં આવ્યું હતું. અંકલેશ્વર તાલુકા શહેર પોલીસ અને જીઆઈડીસી પોલીસમાં ઝડપાયેલો દારૂનો નાશ કરવા માટે જિલ્લા કોર્ટ હુકમ થતાં તેને ગઈકાલે પ્રાંત અધિકારી રમેશભાઈ ભાગોર ડીવાયએસપી એમપી ભોજાણીની હાજરીમાં હાંસોટ અંકલેશ્વર રોડ પર આવેલ આમલાખાડી પાસેના રસ્તાની બાજુમાં દારૂની 33 હજાર ઉપરાંતની બોટલો રસ્તા ઉપર ફેંકી દઈ તેની ઉપર બુલડોઝર ફેરવી નાખવામાં આવ્યું હતું.

એક એક કરીને બોટલો ફૂટવાનું શરૂ થતા હાજર રાહદારીઓ વાહનચાલકો તેને જોવા ઊભા રહી ગયા હતા તમામ દારૂની બોટલનો ભૂકો થઈ જતા અંદરનો દારૂ રેલમછેલ થઈ રહ્યો હતો જેને લઇને બુટલેગરો અને પીનારાઓ નિસાસા નાખી રહ્યા છે તેઓ લોકોના અનુભવ થતો હતો હવે પોલીસ આગળ શું કરશે એ તો સમય આવતા જ ખબર પડશે.