ભરૂચ જિલ્લામાં ફાયરિંગની ઘટનાઓ અવારનવાર સામે આવતી દેખાઈ રહી છે, થોડા દિવસો અગાઉ અંકલેશ્વર જીઆઇડીસી વિસ્તારમાં રહેતા ફાયરિંગની ઘટનામાં એક વ્યક્તિ એ જીવ ગુમાવ્યો હતો તે ઘટનાના ગણતરીના દિવસોમાં જ વધુ એક ઘટના અંકલેશ્વરના સરદાર પટેલ હોસ્પિટલ નજીકથી સામે આવી રહી છે.
સરદાર પટેલ હોસ્પિટલ નજીક અહમદ સઈદ વાડીવાળા નામના વ્યક્તિ ઉપર અજાણયા શખ્શોએ મોડી રાત્રીના સમયે ફાયરિંગ કરતા તેઓને માથાના ભાગે ગંભીર ઇજાઓ પહોંચતા તેઓને તાત્કાલિક સારવાર અર્થે ખસેડવામાં આવ્યા હતા. પ્રાથમિક સુત્રોનું માનવામાં આવે તો ૩ થી ૪ લોકો ઉપર શંકા વ્યક્ત કરાઈ છે, તેમજ નગરપાલિકા ચૂંટણીની અદાવતે હુમલાનું પ્રાથમિક અનુમાન ઘટના બાદ લગાવાઇ રહ્યું છે.
અચાનક બનેલ ફાયરિંગની ઘટના બાદ સમગ્ર પંથકમાં ચકચાર મચ્યો હતો તેમજ પોલીસે પણ સ્થળ પર પહોંચી જઈ મામલા અંગેની કડીઓ મેળવવાની કવાયત શરૂ કરી છે, રાત્રીના સમયે આવેલા અજાણ્યા ઈસમો કોણ હતા અને શું કારણસોર ઘટનાને અંજામ અપાયો હશે તેવી બાબતો હાલ તો લોકોમાં ચર્ચાનું કેન્દ્ર બની છે.
હારુન પટેલ : ભરૂચ
મો.નં. : 99252 22744
