ભરૂચ જિલ્લામાં નવા પોલીસ વડા તરીકેનો હવાલો ડો.લીના પાટીલે સંભાળ્યા બાદથી બુટલગરો અને બે નંબરી તત્વો સામે પોલીસે સતત લાલઆંખ કરી છે, જિલ્લામાં છેલ્લા બે માસમાં વિવિધ સ્થળેથી ભારતીય બનાવટના વિદેશી શરાબના જથ્થા સાથે અનેક બુટલગરોને જેલના સળિયા ગણતા કરી નાખ્યા છે તેવામાં વધુ એક બુટલેગરને પોલીસે અંકલેશ્વરના બોરભાઠા વિસ્તારમાંથી ઝડપી પાડી જેલના સળીયા ગણતા કર્યા છે.
અંકલેશ્વરના જુના બોરભાઠા ગામે પેરોલ ફ્લો સ્કોડ દ્વારા દરોડા પાડી બુલેટ ટ્રેન પ્રોજેકટ નજીક વિદેશી શરાબનું વેચાણ કરતા બુટલેગર કમલેશ અર્જુનભાઈ વસાવાને રૂપિયા ૬૨૪૦૦ ના મુદ્દામાલ સાથે ઝડપી પાડી અન્ય બે બુટલેગર મહેશભાઈ મોહનભાઈ ઠાકોર તેમજ દશરથ ઉર્ફે દશુ બાલુભાઈ વસાવાને વોન્ટેડ જાહેર કરતા નશાનો વેપલો કરતા તત્વોમાં ફફડાટનો માહોલ છવાયો છે.
Advertisement
હારુન પટેલ
