મોબાઈલ સ્નેચિંગ કરતાં બે શખ્સને ઝડપી પાડતી અંકલેશ્વર જી.આઈ.ડી.સી. પોલીસ.

અંકલેશ્વરમાં મોબાઈલ સ્નેચિંગની કોશિશ કરવાના ગુનામાં મોટરસાયકલ સાથે બે શખ્સોને પકડી પાડી અન્ય આઠ મોબાઈલ અંકલેશ્વરની જીઆઈડીસી પોલીસે કબ્જે લીધા છે.

પ્રાપ્ત વિગતો અનુસાર ભરૂચ જિલ્લા પો. અધિક્ષક ડૉ.લીના પાટિલ તથા અંકલેશ્વરના પી.આઇ આર. એન કરમટિયા દ્વારા મિલકત સંબંધી ગુનાઓ શોધી કાઢવા માટેની સૂચના આપવામાં આવી હતી તે અંતર્ગત અંકલેશ્વર જીઆઈડીસી પોલીસ વાલિયાથી અંકલેશ્વર તરફ જતાં મેઇન રોડ પર ફરિયાદી ચાલતા જતાં હોય તે દરમિયાન આરોપીઓ 1) મોહમંદ જેદ અહેમદ રસીદ દેસાઇ ઉં.વ 28 રહે. જૂના કોસંબા ડોબિયા ફળિયું સુરત 2) હનીફ સુબાન શેખ ઉં.વ 30 રહે. યાકુબભાઈના મકાનમાં કોસંબા સુરત રવિરત્ન શો રૂમ પાસેથી બંને આરોપી નંબર પ્લેટ વગરની મોટરસાઇકલ પર જતાં હોય અને ફરિયાદી બહેનનો મોબાઇલ ખેંચી લેવાની કોશિશ કરેલ હોય તેઓને પોલીસે રંગે હાથે ઝડપી લઈ તેમની પાસેથી કુલ 8 મોબાઈલ કબ્જે કરેલ છે. બંને આરોપીઓની હાલ પોલીસે આકરી ઢબે પૂછતાછ હાથધરી છે. ક્યાં ક્યાંથી મોબાઈલ અને બાઇક ચોરી કરી છે તે સહિતની પોલીસે આગળની તપાસ હાથધરી છે.