અંકલેશ્વર પંથકમાં દિવસે અને દિવસે દારૂના વેપલાના ગુનાઓ ઘણા સામે આવી રહ્યા છે, બુટલેગરો બેફામ બન્યા છે. ભારતીય બનાવટનાં વિદેશી દારૂના જ્થ્થાની હેરફેર ઘણી વધવા પામી છે.
આજરોજ તા-૨૯/૦૯/૨૦૨૧ ના રોજ ભરૂચ એલ.સી.બી. ની અલગ-અલગ ટીમો અંક્લેશ્વર વિસ્તારમાં પેટ્રોલીંગમા હતી તે દરમ્યાન બાતમી હકીકત મળેલ કે અંક્લેશ્વર તાલુકાના ભરણ ગામના કુખ્યાત બુટલેગર મુકેશભાઇ અર્જુનભાઈ વસાવા એક ડમ્ફરમાં ગેરકાયદેસર રીતે ભારતીય બનાવટનો વિદેશી દારૂનો મોટો જથ્થો વેચાણ કરવા માટે લાવેલ હતો.
જે મળેલ હકીકત આધારે એલ.સી.બી ટીમે ભરણ ગામે રેડ કરતા મળેલ બાતમી હકીકત મુજબનું ડમ્ફર મળી આવતા તેમા તપાસ કરતા ગેરકાયદેસરનો ભારતીય બનાવટનો વિદેશી દારૂ તથા બિયરની અલગ-અલગ બ્રાન્ડની કુલ બોટલો નંગ -૬૯૧૨ જેની કુલ કી.રૂ.૦૭,૭૭,૬૦૦/- અને ડમ્ફર નંબર GJ-06-YY-7366 મળી કુલ કિં.રૂ. ૧૪,૭૭,૬૦૦ નો મુદ્દામાલ કબ્જે કર્યો હતો.
દારૂનો જથ્થો તથા ડમ્ફર કબ્જે કરી કાયદેસર કાર્યવાહી કરી સ્થળ ઉપર હાજર નહીં મળી આવેલ ડમ્ફર ચાલક તથા બુટલેગર મુકેશ અર્જુનભાઈ વસાવાને શોધવાની તજવીજ હાથ ધરવામાં આવી હતી .
