UPL યુનિવર્સિટી દ્વારા વાર્ષિક ટેકનિકલ ફેસ્ટિવલ ” સાય-ટેક્નોવેશન-૨૦૨૩ ” નું આયોજન કરાયું

યુપીએલ યુનિવર્સિટી ઓફ સસ્ટેનેબલ ટેક્નોલોજીએ 13 મી અને ૧૬ મી ઓક્ટોબર ૨૦૨૩ ના રોજ તેના પ્રાંગણમાં તેના ભવ્ય વાર્ષિક ટેકનિકલ ફેસ્ટિવલ “સાય-ટેક્નોવેશન-૨૦૨૩ નું આયોજન કરવામાં આવ્યું હતું. આ ટેકનિકલ ફેસ્ટિવલનો ઉદ્ઘાટન સમારોહ 13 મી ઓક્ટોબર ૨૦૨૩ ના રોજ આયોજિત કરવામાં આવ્યો. જેમાં મુખ્ય અતિથિ તરીકે કુ. નતિષા માથુર, Dy. કલેક્ટર, અંકલેશ્વર, તેમજ મહેમાન તરીકે ભૂપેન્દ્ર દલવાડી, સીઈઓ-BEIL & ETL, અશોક પંજવાણી, પ્રમુખ -યુપીએલ યુનિવર્સિટી, ટ્રસ્ટી કિશોર સુરતી, પ્રોવોસ્ટ પ્રો. શ્રીકાંત વાઘ, યુનિવર્સિટીના પદાધિકારીઓ, અધ્યાપકગણ, કર્મચારી ગણ અને વિદ્યાર્થીઓ હાજર હતા. લ્યુપિન લિમિટેડ અને હિદુસ્તાન બેકેલાઇટ લિમિટેડ જેવા વિવિધ ઉદ્યોગોના પ્રતિનિધિઓ પણ સમારંભમાં હાજર રહ્યા હતા.

સાય-ટેક્નોવેશન-૨૦૨૩ મા ગુજરાત તેમજ બહારની કોલેજના ૧૫૦૦ થી વધુ વિદ્યાર્થીઓએ વિવિધ 30 જેટલી ઈવેન્ટ્સ જેમ કે ચેઈન રિએક્શન, ટેક ચેરેડ્સ, ડ્રીમ હેક, કોડ કન્વર્જન્સ, લેઝર મેઝ, બ્રેઈન ટીઝર, ડ્રીમ હેક, કોડ કન્વર્જન્સ, ગ્રીનોવેશન ગાલા, ઈકો ક્વેસ્ટ, વ્હીલ ઓ ક્વેસ્ટ, ડ્રીમ ઓક્શન, એસસીઆઈ-પઝ, સાય-હન્ટ, રોબો રેસ, જંકયાર્ડ વોર્સ સ્ટર પ્રેઝન્ટેશન, પેપર પ્રેઝન્ટેશન, ટ્રેઝર હન્ટ અને ફન ગેમ્સ ભાગ લીધો હતો અને તેમની કુશળતા, પ્રતિભા અને નવીન માનસિકતા દર્શાવી હતી.

આ સંસ્થા માટે આ 7 મું વિજ્ઞાન-ટેક્નોવેશન છે જે એક સુપર-સફળતા સાબિત થયું છે જેમાં વિદ્યાર્થીઓને સંપૂર્ણ શિક્ષણનો અનુભવ પ્રાપ્ત થયો હતો અને નવીન વિચાર પ્રક્રિયા, વિચારોનું આદાનપ્રદાન, નવી વિભાવનાઓ જે તેમને અનિવાર્યપણે મદદ કરે છે તેના બહુવિધ પરિમાણ વચ્ચે ઉજાગર કરે છે.