અંકલેશ્વર જી.આઈ.ડી.સી.પોલીસે સારંગપુરની મારુતીધામ-૨ સોસાયટી નજીકથી જુગાર રમતા સાત જુગારીયાઓને ઝડપી પાડી કાયદેસરની કાર્યવાહી હાથ ધરી છે

પ્રાપ્ત માહિતી અનુસાર અંકલેશ્વરના સારંગપુરની મારુતિ ધામ-૨ સોસાયટીના ધુલિયા પીચ ખાતે સ્ટ્રીટ લાઈટ નીચે કેટલાક ઈસમો જુગાર રમી રહ્યા છે જેવી બાતમીના આધારે અંકલેશ્વર જી.આઈ.ડી.સી.પોલીસે દરોડો પાડતા જુગારીયાઓમાં નાસભાગ મચી જવા પામી હતી પોલીસે સ્થળ પરથી રોકડ ૧૦ હજાર અને ચાર મોબાઈલ મળી કુલ ૧૮ હજારથી વધુના મુદ્દામાલ સાથે રાધાકાંત ગજેન્દ્ર ગહિર,પલટુ મહેન્દ્ર,મિથુન મહેશ મંડલ સહીત સાત જુગારીયાઓને ઝડપી પાડી તમામ વિરુદ્ધ ગુનો નોંધી કાયદેસરની કાર્યવાહી હાથ ધરી છે