અંકલેશ્વર જીમમાં કસરત કરવા ગયેલા યુવાનની બાઈક ચોરી

અંકલેશ્વર જી.આઈ.ડી.સીમાં રહેતો યુવાન બાઈક પાર્ક કરી જીમમાં કસરત કરવા જતા તેની બાઈકની ચોરી થઇ ગઈ હતી.

અંકલેશ્વર જી.આઈ.ડી.સી માં આવેલ શુભમ રેસિડેન્સીમાં રહેતો અભિષેક પાંડે મામલતદાર કચેરી પાસેના જીમમાં કસરત માટે ગયો હતો. જીમમાં કસરત કરવા જતા તેને પોતાની બાઈક જિમ પાસે પાર્ક કરી હતી.

જીમમાથી કસરત કરી અભિષેક પાંડે પરત આવતા પાર્ક કરેલ જગ્યા પર પોતાની બાઈક ન જોતા ગભરાઈ ને આમ તેમ શોધ ખોળ કરી હતી. પરંતુ તે ક્યાંયે મળી ન હતી. આથી અંતે પોતાની સ્પલેન્ડર બાઈક ચોરી થઇ હોવાની ફરિયાદ અંકલેશ્વર શહેર પોલીસે તપાસ હાથ ધરી છે.

મામલતદાર કચેરી પાસેના સતત ધમધમતા વિસ્તારમાથી ગણતરીના સમયમાં બાઈક ચોરી થઇ જતા સમગ્ર વિસ્તારમાં આશ્ચર્ય સાથે ગભરાટ પ્રસરી જવા પામી છે.