અંકલેશ્વર: જી.આઈ.ડી.સી ની ગ્લેનમાર્ક કંપનીમાં મજુરી માટે આવેલ કામદારનું રહસ્યમય સંજોગોમાં મોત…

દિનેશભાઇ અડવાણી

પ્રાપ્ત માહિતી અનુસાર નેત્રંગ તાલુકાના બલદવા ગામમાં રહેતો ૫૦ વર્ષીય મકરુદન જગમોહન વસાવા અંકલેશ્વર જી.આઈ.ડી.સી માં આવેલ ગ્લેનમાર્ક કંપનીમાં પ્લાસ્ટરની મજુરીનું કામ લેવા ઠેકેદાર વિજયસિંગ સાથે આવ્યો હતો. તે દરમિયાન વિજયસિંગ સાથે મકરુદન વસાવા કંપનીમાં રોકાયો હતો. જે બાદ સાંજના સમયે ઠેકેદારે તેને બુમ પાડતા તે નહી જાગતા તેને હાથ અડાડતા તે એકદમ ઢળી પડ્યો હતો. જેને સારવાર અર્થે ખાનગી હોસ્પિટલમાં ખસેડવામાં આવ્યો હતો.જ્યાં હાજર તબીબે તેને તપાસી મૃત જાહેર કર્યો હતો.બનાવ અંગે સુપરવાઈઝર રાજેશ પટેલે જી.આઈ.ડી.સી.પોલીસ મથકે જાણ કરતા પોલીસે અકસ્માત મોત અંગેનો ગુનો નોંધી તપાસ હાથ ધરી છે.