અમરેલીના રાજુલામાં માર્કેટીંગ યાર્ડ સર્કલ નજીક મોબાઈલ એપ્લીકેશનમાં જુગાર રમી રહેલા ત્રણ શખ્સોને રાજુલા પોલીસે 20 હજારના મુદ્દામાલ સાથે ઝડપી પાડ્યા છે.
રાજુલા પોલીસની ટીમ દ્વારા ચોકસ માહિતીના આધારે રાજુલા માર્કેડીંગ યાર્ડ સર્કલમાં જાહેરમાં એન્ડ્રોઇડ મોબાઇલ ફોનમાં લુડોકીંગ એપ્લીકેશનમાં સામસામે બેસી પૈસાની હારજીત હારજીતનો જુગાર રમતા હોય આ પ્રકારની માહિતી મળતા સર્વેલન્સ ટીમ દ્વારા રેડ કરતા ત્રણ ઇસમોને રોકડા રૂ.10,360/- તથા એન્ડ્રોઇડ મોબાઇલ ફોન કિ.રૂ.10,000/- મા કુલ રૂ.20,300/- ના મુદામાલ સાથે પકડી પાડી તેમના વિરૂધ્ધમાં રાજુલા પોલીસ સ્ટેશન વિસ્તારમાં જુગારધારાની કલમ હેઠળ ગુન્હો દાખલ કરી કાયદેસરની કાર્યવાહી હાથ ધરી હતી. પોલીસે અયુબ કાબરિયા, અફઝલ ચોકડા અને સંજય ચાવડાને 10,360 રોકડા અને 10 હજારની કિંમતના મોબાઈલ ફોન સાથે ઝડપી કાયદેસરની કાર્યવાહી હાથ ધરવામાં આવી છે.
