ઉત્તરપ્રદેશના આગ્રામાં તાજમહેલમાંથી વાંદરાઓના આતંકને રોકવા માટે એક યોજના તૈયાર છે. મહાનગરપાલિકાએ વાંદરાઓને પકડવા માટે વન વિભાગ પાસેથી પરવાનગી લીધી છે. પ્રથમ તબક્કામાં 500 વાંદરાઓની નસબંધી કરવામાં આવશે. આ માટે 4 કરોડ રૂપિયાનો ખર્ચ કરવામાં આવશે. આગ્રા મ્યુનિસિપલ કોર્પોરેશને આ કામની જવાબદારી લઈ લીધી છે.
મ્યુનિસિપલ કોર્પોરેશનના વેટરનરી ઓફિસર ડૉ.અજય કુમારે જણાવ્યું હતું કે તાજમહેલમાં જલ્દી જ અભિયાન ચલાવીને વાંદરાઓને પકડવામાં આવશે અને તેમની નસબંધી કરવામાં આવશે. આ માટે વન વિભાગની સાથે વાઈલ્ડ લાઈફ એસઓએસની ટીમ સાથે પણ સંકલન કરવામાં આવ્યું છે. તાજમહેલમાંથી વાંદરાઓનો આતંક ખતમ કરવામાં આવશે.
જણાવી દઈએ કે તાજમહેલમાં વાંદરાઓનો આતંક સતત ચાલી રહ્યો છે. વાંદરાઓનો આતંક ભારતીય પુરાતત્વ સર્વેક્ષણ (ASI) માટે માથાનો દુખાવો બની રહ્યો છે. ASI સતત વિભાગોને તાજમહેલમાંથી વાંદરાઓ દૂર કરવા માટે કહી રહી છે. તાજમહેલમાં વાંદરાઓ અવારનવાર પ્રવાસીઓને બાચકા ભારે છે, મારે છે. જેની સીધી અસર તાજમહેલ પર પડે છે.
છેલ્લા 6 મહિનામાં ખૂંખાર થઈ ચૂકેલા વાંદરાઓ લગભગ એક ડઝન જેટલા પ્રવાસીઓને પોતાનો શિકાર બનાવીને ઘાયલ કરી ચુક્યા છે. જેના કારણે તાજમહેલ જોવા આવતા પ્રવાસીઓ ગભરાટમાં રહે છે. વાસ્તવમાં, જ્યારે પણ ઘણા પ્રવાસીઓને એ ખબર નથી હોતી કે વાંદરાઓ ખૂંખાર છે, ત્યારે તેઓ તેમની નજીક જવાનો પ્રયાસ કરે છે અને જોખમ લઈ લે છે.
વેટરનરી ઓફિસરે કહ્યું કે ટૂંક સમયમાં જ અભિયાન ચલાવીને તાજમહેલમાંથી વાંદરાઓને પકડવામાં આવશે. તેમણે કહ્યું કે 10 હજાર વાંદરાઓને પકડવાનું લક્ષ્ય છે. પ્રથમ રાઉન્ડમાં 500 વાંદરાઓને પકડવામાં આવશે. ASI પણ તાજમહેલ પર વાંદરાઓના આતંકને રોકવા માટે સતત પ્રયાસ કરી રહી છે. તાજમહેલની આસપાસ લાગેલી ફેન્સીંગ ઠીક કરાવવાની સાથે ASI એ વાંદરાઓને રોકવા માટે વધારાના સ્ટાફની ડ્યુટી પણ લગાવી દીધી હતી. પરંતુ તાજમહેલને વાંદરાઓના આતંકથી સંપૂર્ણ રીતે મુક્તિ મળી નથી.
