ભરૂચ જિલ્લાના ઝઘડીયા તાલુકાના દુ.માલપોર ગામે જુગાર રમતા બે જુગારીયા પોલીસે ઝડપી લીધા હતા, જ્યારે પોલીસની રેઇડ જોઇને અન્ય સાત ઇસમો નાશી છુટ્યા હતા.
ઝઘડીયા પોલીસમાંથી મળતી વિગતો મુજબ ઝઘડીયા પોલીસને ગતરોજ તા.૧૪ મીના રોજ પેટ્રોલિંગ દરમિયાન બાતમી મળી હતી કે દુ.માલપોર ગામે નવીનગરી નજીક બસ સ્ટેન્ડમાં બેસીને કેટલાક ઇસમો પત્તા પાનાનો જુગાર રમે છે. પોલીસે બાતમી મુજબના સ્થળે છાપો મારતા ત્યાં જુગાર રમતા કેટલાક ઇસમો જણાયા હતા. પોલીસની આ રેઇડ દરમિયાન રૂ. ૧૧૦૦ ના મુદ્દામાલ સાથે જુગાર રમતા બે ઇસમો ઝડપાયા હતા, જ્યારે અન્ય સાત ઇસમો પોલીસને જોઇને નાશી છુટ્યા હતા. ઝઘડીયા પોલીસે આ રેઇડ દરમિયાન જુગાર રમતા પકડાયેલ અને નાશી છુટેલ ઇસમો નિલેશભાઇ મંગાભાઇ વસાવા, વિજયભાઇ ડાહ્યાભાઇ ગોહિલ, રાજુભાઇ પાટણવાડીયા, અજયભાઇ મંગાભાઇ વસાવા, અશોકભાઈ હિરાભાઇ વસાવા, સંજયભાઇ રમણભાઈ વસાવા, અજયભાઇ વસાવા, કમલેશભાઇ ગણપતભાઇ વસાવા અને અનિલભાઇ દલસુખભાઇ વસાવા તમામ રહે.ગામ દુ.માલપોર તા.ઝઘડીયા જિ.ભરૂચના વિરુધ્ધ ગુનો નોંધી કાયદેસર કાર્યવાહી હાથ ધરી હતી.
ગુલામહુશેન ખત્રી રાજપારડી જિ.ભરૂચ
