માંગરોળ તાલુકાના કનવાડા ગામે ફાર્મ હાઉસમાં ઈલેકટ્રીક મોટરની ચોરી કરનારા એક ઇસમને પોલીસે મુદ્દામાલ સાથે ઝડપી પાડયો હતો.
કનવાડા ગામે ઓલપાડ તાલુકાના કન્યાસી ગામના સંજયભાઈ રામુભાઈ પટેલ પોતાની માલિકીનું ફાર્મ હાઉસ ધરાવે છે 15 દિવસ પહેલા તેઓ કનવાડા ફાર્મ હાઉસમાં ફૂલ છોડને પાણી પાવા માટે ઇલેક્ટ્રિક મોટર લાવ્યા હતા અને આ ઇલેક્ટ્રિક મોટર તેમણે ફાર્મ હાઉસમાં મૂકી હતી ત્યારબાદ ફાર્મ હાઉસની બારીનો કાચ તોડી કોઈ ઇસમે પ્રવેશ કરી રસોડામાં સામાન વેરવિખેર કરી નાખ્યો હતો અને મોટરની ચોરી કરી ગયો હતો બીજા દિવસે ફાર્મ હાઉસના માલિક સંજયભાઈ પટેલને મોટરની ચોરી થઇ હોવાનું જણાયું હતું જેથી તેમણે આસપાસ વિસ્તારમાં ચોરી અંગે તપાસ કરતા કનવાડા ગામના વડ ફળિયામાં રહેતો સોમાભાઈ ગોપાલભાઈ વસાવા મોટરની ચોરી કરી ગયો હોવાનું જાણવા મળ્યું હતું જેથી તેમણે માંગરોળ પોલીસને આ બાબતની જાણ કરાતા પોલીસ કર્મચારીઓ પ્રવિણસિંહ શાંતુભા તેમજ સહયોગી પોલીસ ટીમે સોમાભાઈ ગોપાળભાઈ વસાવાને મુદ્દામાલ સાથે ઝડપી પાડયો હતો. ફાર્મ હાઉસના માલિક સંજયભાઈ રામુભાઈ પટેલે આરોપી વિરુદ્ધ ચોરી અંગેની કાયદેસરની ફરિયાદ નોંધાવી હતી.
વિનોદ મૈસુરિયા : વાંકલ
