અંકલેશ્વર પંથકના વોર્ડ નંબર 1 માં આજરોજ રૂપિયા 5 લાખના ખર્ચે તૈયાર થનારા 3 અલગ અલગ કામોનું ખાતમુહૂર્ત કરવામાં આવ્યું હતું. જેમાં અંકલેશ્વર નગરપાલિકા પ્રમુખ, નગરપાલિકાના ઉપપ્રમુખ, પાલિકાના સભ્યો તેમજ શહેર ભાજપા હોદ્દેદારોની ઉપસ્થિતિમાં ખાતમુહૂર્ત કરવામાં આવ્યું હતું.
આજે સવારે વોર્ડ નં.૦૧ માં આવેલ વૃંદાવન ટાઉનશીપના ગેટ નં. ૦૨ પાસે પેવર બ્લોક તથા RCC રોડના કામનું ખાતમુહૂર્ત કરવામાં આવ્યું હતું.જેમાં વૃંદાવન ટાઉનશીપ ગેટ નં. ૦૨ થી બહારની સાઈડ પર પેવર બ્લોક રકમ રૂ. 81,૦૦૦/- તે સાથે વૃંદાવન ટાઉનશીપ ગેટથી મેઈન રોડથી RCC રોડ બનાવવાનું કામ રકમ રૂ. ૧,૩૮,૮૮૦/- સાથે શક્તિનગરમાં રોડની સાઇડમાં પેવર બ્લોક કામ રૂ. ૨,૭૪,૯૬૬/- નું ખાતમુહૂર્ત કરવામાં આવ્યું હતું.
મુકેશ વસાવા : અંકલેશ્વર
Advertisement
