ભરૂચ જિલ્લામાં કોવિડ રસીકરણ ૧૧.૮૭ લાખ અને ભારતમાં કોરોના વેક્સિનેશન ૧૦૦ કરોડને પાર કરતાં ઉજવણી કરાઇ.

ભારતમાં કોરોના વેક્સિનેશનમાં ૧૦૦ કરોડ ડોઝનો રેકોર્ડ બનતા તેમજ ભરૂચ જિલ્લામાં કોવિડ રસીકરણ ૧૧.૮૭ લાખને પાર કરતાં ભરૂચ જિલ્લા પંચાયત ખાતે ફુગ્ગા ઉડાડી સ્થાનિક કક્ષાએ હર્ષોલ્લાસપૂર્વક ઉજવણી કરવામાં આવી હતી. જેમાં કોરોના વોરીયર્સ જોડાયા હતા. આ પ્રસંગે રંગોળી પ્રદર્શન પણ કરવામાં આવ્યું હતું.

આ વેળાએ જિલ્લા પંચાયતના પ્રમુખ અલ્પાબેન પટેલ, જિલ્લા કલેક્ટર અને જિલ્લા વિકાસ અધિકારી યોગેશભાઈ ચૌધરી, જિલ્લા પંચાયત આરોગ્ય સમિતિના ચેરમેન આરતીબેન પટેલ, જિલ્લા આરોગ્ય અધિકારી ડૉ. જે.એસ.દુલેરા તેમજ આરોગ્ય વિભાગના અધિકારી-કર્મચારીઓ ઉપસ્થિત રહ્યા હતા.