માંગરોળ તાલુકાના પાતલદેવી ગામે મુખ્ય માર્ગ પર રેલ્વે ફાટક નજીકથી પોલીસે ૧૨ હજાર લિટર બાયોડીઝલ ભરેલું એક ટેન્કર સાથે એક ઇસમને ઝડપી પાડી રૂપિયા 10,38,000 મુદ્દામાલ કબજે કર્યો હતો.
માંગરોળ પોલીસ વાંકલ ઝંખવાવ માર્ગ ઉપર પેટ્રોલિંગ કરી રહી હતી ત્યારે પાતલદેવી ગામના રેલવે ફાટક નજીક એક ટેન્કરને અટકાવી તપાસ કરતા બાર હજાર લીટર બાયોડીઝલ મળી આવ્યું હતું સાથે ટેન્કરના ચાલકને ઝડપી લઇ નામ પુછતા તેણે પોતાનું નામ દેવેન્દ્રભાઈ રમેશભાઈ તડવી હાલ રહે. કોસંબા તાલુકો માંગરોળ તેમજ મૂળ રહે ટિમ્બરવા તાલુકો બોડેલી જીલ્લો છોટાઉદેપુરનો વતની હોવાનું જણાવ્યું હતું. વધુ પૂછપરછમાં ઉપરોક્ત ઝડપાયેલ ટેન્કરનો માલિક અકબર અફસર શેખ રહે. કોસંબા ઇદગાહ ફળિયુ તાલુકો માંગરોળ જિલ્લો સુરતનો હોવાનું જણાવ્યું હતું તેમજ ઉપરોક્ત બાયો ડિઝલનો જથ્થો પાનોલી જી આઇ ડી સી માંથી ટેન્કરમાં ભર્યા હોવાનું જણાવ્યું હતું અને આ બાયોડીઝલ ઝંખવાવ માંડવી રોડ પર આવેલ જયેશભાઈની માલિકીની ખોડીયાર હોટેલ ખાતે લઈ જવાનો હતો. પોલીસે ચાલક પાસે બાયોડીઝલ વહનનાં જરૂરી પુરાવા માગ્યા હતા તેમજ લાયસન્સ ખરીદીના બિલ, લાયસન્સ વગેરે બાબતે યોગ્ય જવાબો ચાલક આપી શક્યો નહોતો. માંગરોળ પોલીસ દ્વારા તમામ મુદ્દામાલ કબજે કરવામાં આવ્યો હતો અને માંગરોળના મામલતદારને સુપ્રત કરવામાં આવ્યો છે ઉપરોક્ત પ્રવાહી બાયોડીઝલ છે કે કેમ તે અંગે જરૂરી સેમ્પલ લેવામાં આવ્યા છે અને ચકાસણી માટે જિલ્લા પુરવઠા અધિકારીને મોકલવામાં આવ્યા છે છેલ્લા ઘણા સમયથી માંગરોળ તાલુકામાં બિનઅધિકૃત રીતે બાયોડીઝલનું વેચાણ કરતા ઇસમો પકડાય રહ્યા છે.
વિનોદ મૈસુરીયા વાંકલ
