નબીપુર ગામમાં આવેલી સુગત સ્ટ્રીટમાંથી પસાર થતી DGVCL ની લો ટેનશન લાઈનના વીજ થાંભલા પરથી ઘર વપરાશના વિજ પુરવઠા માટે પસાર થતા કેબલમાં ગત મોડી સાંજે કોઇ અગમ્ય કારણોસર ધડાકાભેર આગ લાગતા સ્થાનિક રહીશોમાં નાસભાગ મચી જવા પામી હતી.
સદનસીબે આમાં કોઈ જાનહાની ન સર્જાતા લોકોએ હાશકારો અનુભવ્યો હતો. બનાવની જાણ તુરંત DGVCL ના લોકલ કર્મચારીને કરાતા તેમણે જે તે વિસ્તારનો વીજપુરવઠો બંધ કરી દેતા વધુ નુકશાન થતું અટકી જવા પામ્યું હતું. લાઇનમા આવતા રહેણાક લોકોના મકાનો અને દુકાનોમાં લાગેલા વીજ ઉપકરણોમાં કેટલું નુકશાન થયું છે તે તો વીજ પુરવઠો ફરી ચાલુ થાય ત્યારે જ ખબર પડશે. સ્થાનિક વીજ કર્મચારીઓની સાથે ગ્રામજનો પણ તેમના કામમાં મદદરૂપ બન્યા હતા.
યાકુબ પટેલ, પાલેજ
Advertisement
