અંકલેશ્વર દક્ષિણ ગુજરાત વીજ લિમિટેડ ખાતે તાજેતરમાં જ ઊભા કરાયેલ HT લાઇનના 55 ગાળાના એલ્યુમિનિયમના કંડકટરની જેની લંબાઈ આશરે 6000 મીટર છે તેની લાખોની મત્તાની ચોરી થઈ છે.
બનાવ અંગે મળતી માહીતી અનુસાર દક્ષિણ ગુજરાત વીજ કંપની ખાતે અંકલેશ્વર રૂરલ સબ ડિવિઝનમાં નાયબ ઇજનેર તરીકે કામ કરતાં વસંતકુમાર સુમનભાઈ ભગતે અંકલેશ્વર રૂરલ પોલીસ સ્ટેશનમાં ગુનો નોંધાવ્યો હતો કે તાજેતરમાં તા 10 મી ફેબ્રુઆરીના રોજ પારડી ગામ ઇદ્રીશ પાસે દક્ષિણ ગુજરાત વીજ કંપની પ્રાઈવેટ લિમિટેડ દ્વારા તાબ હેઠળ નવી HT લાઇનના 55 ગાળાના એકલ્યુમિનિયમના કંડકટરની લાઈનો નાંખવામાં આવી હતી જેને ગતરોજ અજાણ્યા ઇસમોએ ચોરી કરી છે.
અજાણ્યા ઇસમો દ્વારા 55 spmm ની અંદાજિત કિં.રૂ. 1,87,740/- ની ચોરી કરી હતી જે અંગે અંકલેશ્વર રૂરલ પોલીસે ગુનો નોંધી અને આગળની તપાસ અંગે તજવીજ હાથ ધરી છે.
મુકેશ વસાવા : અંકલેશ્વર
