પારસી ટેકરા દેડીયાપાડા ખાતેથી ગેરકાયદેસર બાયોડિઝલ જેવુ જ્વલનશીલ પ્રવાહી લીટર ૧૭૪૦૦ કિ.રૂ.૧૨,૧૮,૦૦૦/- પકડાયું છે. આ ગુનામાં સંડોવાયેલ આરોપીની એલસીબી પોલીસ નર્મદાએ ધરપકડ કરી છે.
આ અંગે ડેડીયાપાડા પોલીસ મથકમાં ફરીયાદી અ.હે.કો. વિજયભાઇ ગુલાબસિંગ એલ.સી.બી. નર્મદાઆરોપી સલીમભાઇ મહમદજી ખત્રી (ઉ.વ.૪૨ રહે.પારસી ટેકરા,ડેડીયાપાડા)સામે ઇ.પી.કો. કલમ-૨૮૫ તથા આવશ્યક ચીજ વસ્તુ ધારા કલમ-૩,૭,૧૧ મુજબ ગુનો દાખલ કરી કાયદેસરની કાર્યવાહી હાથ ધરી છે.
ફરિયાદની વિગત અનુસાર આરોપી સલીમભાઇ મહમદજી ખત્રી (ઉ.વ.૪૨ રહે.પારસી ટેકરા,ડેડીયાપાડા )એ પોતાના કબજા ભોગવટાના મકાનમાં ગેરકાયદેસર બાયોડિઝલ જેવુ જ્વલનશીલ પ્રવાહી લીટર ૧૭૪૦૦ કિ.રૂ.૧૨,૧૮,૦૦૦/- તથા ઉપયોગમાં લીધેલ સાધનો મળી કુલ કિ.રૂ.૧૩,૩૫,૧૦૦/- ના મુદામાલ મોટો આર્થિક લાભ મેળવવાના ઇરાદે રાખી પકડાઇ જઇ ગુનો કરતા ડેડીયાપાડા પોલીસે કાયદેસરની કાર્યવાહી હાથ ધરી છે.
જ્યોતિ જગતાપ, રાજપીપલા
