ગત સાંજના સમયે ભરૂચ જિલ્લાના તવરા રોડ પર આવેલ 7-x ના પાછળના વિસ્તારમાં એક યુવકે આંબાના ઝાડ પર લટકીને મોતને ભેટયો હતો. બનાવ અંગે ભરૂચ સી ડિવિઝન પોલીસે વધુ તજવીજ હાથ ધરી છે.
આજકાલના યુવાનો જિંદગીથી હારી જઈને આપધાત કરવાના કિસ્સાઓ ઘણા સામે આવી રહ્યા છે ત્યારે ભરૂચ જીલ્લાનો એક કિસ્સો સામે આવ્યો છે, ભરૂચ જિલ્લાના તવરા ગામ પાસે આવેલ 7-x ના પાછળના વિસ્તારમાં એક યુવક ઉમેશભાઈ પ્રતિભાઇ આમલણીયા જેની ઉંમર 20 વર્ષ હતી તેને આંબાવાડીમાં આવેલ આંબાના ઝાડ પર કોઈક અગમ્ય કારણોસર એક કાપડની મદદથી ગળે ફાંસો ખાઈને લટકી ગયો હતો જેનાં પગલે તેનું મોત નીપજયું હતું અને આસપાસના લોકોને જાણ થતાં ભરૂચ સી ડિવિઝન પોલીસને જાણ કરવામાં આવી હતી જે અંતર્ગત પોલીસનો કાફલો ત્યાં આવી પહોંચ્યો હતો. આસપાસના લોકોમાં ચકચાર મચી જવા પામી હતી.
ભરૂચ પોલીસનો કાફલો ત્યાં પહોંચતાની સાથે જ લાશને નીચે ઉતારીને ગુનો નોંધીને આગળની વધુ તપાસ હાથ ધરી હતી.
રિધ્ધી પંચાલ, ભરુચ
