ભરૂચ દેરોલ ચોકડી પરથી હથિયાર સાથે એક ઈસમ ઝડપાયો.

આગામી દિવસોમાં રથયાત્રા અને અનેક તહેવારો આવતા હોય તે માટે જિલ્લા પોલીસ સક્રિય બની છે અને અનિચ્છનિય બનાવ ન બને તે માટે અનેક સૂચનાઓ આપવામાં આવી હતી. તે દરમિયાન ભરૂચ લોકલ ક્રાઇમ બ્રાંચને બાતમી મળેલ હતી કે બિહાર-પટનાથી ભરૂચમાં એક ઇસમ વેચવા માટે હત્યાર લાવેલ છે જેની તપાસ શરૂ કરવા ભરૂચ લોકલ ક્રાઇમ બ્રાંચની ટીમ પેટ્રોલિંગ કરી રહી હતી. બિહાર-પટનાથી ભરૂચમાં વેચવા માટે લાવેલ હત્યાર સાથે આજરોજ મોહંમદ સેરજ અનવર ઉર્ફે સિરાજ મંજોર અંસારી નામના મૂળ દિલ્હીના ઇસમની લાયસન્સ વગર ગેરકાનૂનની સાધનો/હથિયારો સાથે લોકલ ક્રાઇમ બ્રાંચે ધરપકડ કરી હતી.

બનાવ અંગે મળતી માહીતી મુજબ આરોપીના ટ્રાવેલિંગ બેગમાંથી પોલીસને ૨ હાથ બનાવટની પિસ્તોલ, ૨ મેગઝીન તેમજ ૧૯ નંગ કાર્ટીઝ મળી આવતા પોલીસે તેની અટકાયત કરી હતી. ગઈકાલના રોજ બપોરના લગભગ 1 વાગ્યે સિરાજ અંસારી પોતાની પાસે રહેલ કાળી બેગમાં લાયસન્સ પરવાનગી વિનાના અગ્નિ શસ્ત્રો પૈકી પિસ્તોલ નંગ 02 જેની કિંમત રૂ 50,000/- સહિત 2 મેગઝીન કિંમત રૂ.400/-, કાર્ટીઝ 19 જેની કિંમત 1900/- સહિત ૬૧,૬૧૦ ના મુદામાલ સાથે મૂળ દિલ્હીના હાલ આમોદમાં રહેતા આરોપી મોહમદ સેરાજ અનવર ઉર્ફે સિરાજ મંજોર અંસારીની લોકલ ક્રાઇમ બ્રાંચે ધરપકડ કરી ઇસમની વધુ પૂછપરછ કરતાં તે ભારતના અલગ-અલગ રાજયો અને બે વર્ષ મલેશિયા રહીને આવેલ છે અને આ હથિયાર કયાંથી લાવ્યો હતો અને કોણે આપવાના હતા તેની તપાસ શરૂ કરવામાં આવી હતી અને આગળની કાર્યવાહી ભરૂચ પોલીસને સોંપવામાં આવી હતી.