બનાસકાંઠા જિલ્લાના છાપી હાઇવે પર એસ.ટી બસમાં આગ લાગવાની ઘટના આજરોજ સર્જાઈ હતી. પાલનપુર ડેપોની એસ. ટી બસ છાપી હાઇવે ઉપર અચાનક આગ લાગતા બસ ચાલકે 10 પેસેન્જરોને નીચે ઉતારી દેવામાં આવ્યા હતા. ડ્રાઈવરની સુજબુજને કારણે મોટી જાનહાનિ ટળી હતી, જ્યારે બસ બળીને ખાખ થઈ ગઈ હતી.
મળતી માહીતી અનુસાર, પાલનપુરથી મહેસાણા તરફ જ રહેલી એસ.ટી વિભાગની બસમા અચાનક આગ લાગતા અફરાતફરી મચી જવા પામી હતી. પોતાની સુજબુજ વાપરીને બસમાં સવાર 10 જેટલા મુસાફરોને સુરક્ષિત બસમાંથી નીચે ઉતારી દેવામાં આવ્યા હતા. ફાયર બ્રિગેડને ઘટનાની જાણ થતા ફાયર ફાઈટર ઘટનાસ્થળે દોડી આવ્યું હતું અને ભારે જહેમત બાદ આગ પર કાબુ મેળવ્યો હતો. જોકે ત્યાં સુધીમાં બસ બળીને ખાખ થઈ ચૂકી હતી. બસમાં આગ શોર્ટ સર્કિટના કારણે લાગી હોય હોવાનું અનુમાન લગાવાઈ રહ્યું છે.
Advertisement
