સુરતના વરાછા વિસ્તારમાં હીરાના કારખાનામાં કામ કરતાં કારીગરનો મૃતદેહ મળી આવ્યો છે. આ બનાવની જાણ થતાં હીરાના કારીગરોમાં ફફડાટ વ્યાપી ગયો છે.
આ બનાવના પગલે વરાછા પોલીસે તપાસ હાથ ધરી છે. આ કારીગર કારખાનામાં તેનું હીરાનું કામ કરીને સૂતો હતો આથી તેની હત્યા થઈ છે કે શું ? તે સહિતના રહસ્યો હજી સામે આવ્યા નથી. હીરાના કારખાનામાં કયાં કારણોસર આ કારીગરની લાશ મળી આવી સહિતની બાબતોનો તાગ મેળવવા વરાછા પોલીસ તાબડતોડ ઘટનાસ્થળે પહોંચી હતી. તમામ CCTV ફૂટેજ સહિતના પુરાવા એકત્ર કરી તપાસ હાથ ધરી છે.
Advertisement
અહીં નોંધનીય છે કે હીરાના કારખાનામાં આખરે કોણે આ હત્યાને અંજામ આપ્યો હશે ? કે આ કારીગરને કોઈ કારણસર મોતને ઘાટ ઉતારવામાં આવ્યો હોય, કે તેમણે પોતે ઝેરી દવા પી ને મોતને વહાલું કર્યું હોય સહિતની ચોંકાવનારી વિગત પર પોલીસે પોતાના ચક્રો ગતિમાન કર્યા છે.
