અંકલેશ્વરમાં કોઈ અજાણ્યા ઇસમો દ્વારા અમરાવતી નદીમાં મેડિકલ વેસ્ટ ઠાલવવામાં આવ્યો હતો.
આ બનાવની મળતી માહિતી અનુસાર અંકલેશ્વર તાલુકાની અમરાવતી નદીમાં કોઈ અજાણ્યા શખ્સોએ મેડિકલ વેસ્ટ ઠાલવ્યો હોવાની વિગતો સાંપડી છે. આ ઇસમો દ્વારા હાઇવે પર મોતાલી બ્રિજ નીચે અમરાવતી નદીમાં મેડિકલ વેસ્ટ નાંખી ગુનાહિત કૃત્ય આચરેલ હોય આ બાબત અત્યંત નિંદનીય છે. અમરાવતી નદીનાં કાંઠે મેડિકલ વેસ્ટ ઠાલવનારાઓની તપાસ થવી જોઈએ અને જવાબદારો સામે કડક કાર્યવાહીની માંગ આ વિસ્તારનાં રહેવાસીઓએ કરી છે.
અહીં નોંધનીય છે કે ભારત સરકાર દ્વારા સ્વચ્છ ભારત અભિયાન ચલાવવામાં આવ્યું છે, લોકો કચરો ગમે ત્યાં ન ફેંકે તેની તકેદારી રાખવી પરંતુ આજે
અમરાવતી નદીમાં આ મેડિકલ વેસ્ટનો કચરો ઠાલવવામાં આવવાથી તેના દ્વારા પ્રદૂષણ ફેલાવવાની શકયતા રહેલી છે જેથી આ અંગે તપાસ કરવા અને જવાબદારો સામે કડક કાર્યવાહી કરવાની માંગ ઉઠી રહી છે.
