નાંદોદ તાલુકાના મોટાલી મટવાડા ગામ પાસે રોડના વળાંકમાં બે ટ્રક અકસ્માતમાં એક ટ્રક ચાલકનું મોત નીપજ્યું છે, જ્યારે બીજાને ગંભીર ઇજા થવા પામી હતી. આ અંગે રાજપીપળા પોલીસ મથકે ફરીયાદી હર્ષદભાઈ અરવિંદભાઇ બારીયા (રહે, સુરવા મંદિર કૃળિયુ તિલકવાડા) એ આરોપી જગદીશભાઇ કાલીદાસ વસાવા (રહે.કદવાલી તા. વાલીયા જી. ભરૂચ) સામે પર ફરીયાદ કરી છે.
જેમાં ફરીયાદની વિગત મુજબ આરોપી જગદીશભાઇ કાલીદાસ વસાવાએ પોતાના કબજામાંની ટ્રક નંબર જીજે ૩૪ ટી ૦૮૨૫ ને પૂર ઝડપે અને ગફલતભરી રીતે હંકારી લાવી હર્ષદભાઈની ટ્રક નંબર જીજે ૧૬ ડબ્લ્યુ ૩૦૦૮ સાથે અથાડી અકસ્માત કરેલ જેથી હર્ષદભાઇને શરીરે ડાબા હાથે કાંડાના ભાગે તથા જમણા હાથના ખભાના ઉપર તથા જમણી બાજુ પાસળીના ભાગે તથા શરીરે ઈજાઓ પહોંચાડી તથા પોતાને શરીરે ગંભીર પ્રકારની ઇજાઓ પહોંચતા ચાલક જગદીશભાઇ કાલીદાસ વસાવાનું મોત નીપજ્યુ હતુ. પોલીસે અકસ્માત મોત ગુનાની ફરિયાદ નોંધી કાયદેસરની કાર્યવાહી હાથ ધરી છે.
જ્યોતિ જગતાપ, રાજપીપલા
