ભરૂચ જિલ્લાના ઝઘડીયા તાલુકાનાં રાજપારડીનાં ઉપ સરપંચ પી.સી.પટેલ આજે તેમના નીકટના કાર્યકરો સાથે કોંગ્રેસ છોડીને ભાજપામાં જોડાયા હતા. રાજપારડીના સરપંચ પદમાબેન વસાવા તાજેતરમાં જિલ્લા પંચાયતની ચુંટણીમાં રાજપારડી બેઠક પરથી વિજેતા થતાં રાજપારડીના સરપંચની જગ્યા હાલ ખાલી પડતા ઉપ સરપંચ પી.સી.પટેલે આજરોજ રાજપારડી ગ્રામ પંચાયતના કાર્યકારી સરપંચ તરીકેનો ચાર્જ સંભાળ્યો હતો. ભુતપૂર્વ તાલુકા કોંગ્રેસ પ્રમુખ પી.સી.પટેલ આજે જિલ્લા પંચાયત સદસ્ય પદમાબેન વસાવા, ગામ અગ્રણી ભુપતસિંહ કેશરોલા, ભાજપા અગ્રણીઓ ભુપેન્દ્રસિંહ રાઠોડ, રોહિત શાહ, દિનેશ વસાવા, હિરલ પટેલ તેમજ અન્ય અગ્રણીઓની ઉપસ્થિતિમાં ભારતીય જનતા પાર્ટીમાં જોડાયા હતા.
આ પ્રસંગે પી.સી.પટેલે જણાવ્યુ હતુ કે તાલુકા જિલ્લા રાજ્ય તેમજ કેન્દ્ર સ્તરે ભારતીય જનતા પાર્ટીનું શાસન છે ત્યારે મને ભાજપામાં જોડાવાનું ઉચિત લાગતા હું ભાજપામાં જોડાયો છુ. હું રાજપારડીના સર્વાંગી વિકાસ માટે હંમેશ કટિબદ્ધ રહીશ એવી લાગણી તેમણે ઉચ્ચારી હતી.
ગુલામહુશેન ખત્રી રાજપારડી જિ.ભરૂચ
