ભરૂચ જિલ્લાના ઝઘડીયા તાલુકાનાં મુલદ ગામ નજીકથી પસાર થતાં નેશનલ હાઇવે પર મુલદ ચોકડી પર આજરોજ નવી બનેલ પોલીસ ચોકીનું ઉદઘાટન કરવામાં આવ્યુ હતુ. ઝઘડીયા પી.આઇ વસાવાના જણાવ્યા મુજબ તાલુકામાંથી પસાર થતાં નેશનલ હાઇવે પર મુલદ ગામ નજીક નેશનલ હાઇવે સાથે ઝઘડીયાથી ભરૂચ જવાનો માર્ગ જોડાય છે. મુલદ ચોકડી પર ઓવરબ્રીજની નીચે નવીન બનાવેલ પોલીસ ચોકીનું આજે વિધિવત ઉદઘાટન કરવામાં આવ્યુ હતુ.
ઉલ્લેખનીય છે કે ઝઘડીયા તરફથી ભરૂચ તેમજ વાયા મુલદ થઇને અંકલેશ્વર સુરત તરફ જતા વાહનોની સંખ્યામાં દિવસે દિવસે નોંધપાત્ર વધારો થઇ રહ્યો છે, ત્યારે નેશનલ હાઇવે સાથે આ ધોરીમાર્ગને જોડતી ચોકડી પર કાયદો અને વ્યવસ્થાની સ્થિતિ સઘન બને તે માટે ઝઘડીયા પોલીસ સ્ટેશનના ઉપક્રમે મુલદ ચોકડી પર નવી પોલીસ ચોકી શરૂ કરવામાં આવી છે.
ગુલામહુશેન ખત્રી રાજપારડી જિ.ભરૂચ
Advertisement
