બાઈક અકસ્માતમાં 3 યુવાનના મોત થતાં ટ્રાફિકજામ થઈ ગયો હતો
અકસ્માતમાં મૃત્યુ પામેલા ત્રણેય યુવાનોએ હેલ્મેટ પહેર્યા નહોતા, પોલીસે તપાસ શરૂ કરી
કરજણ તાલુકાના કંડારી ગામ પાસે નેશનલ હાઇવે પર બાઈક પરથી નીચે પટકાતા 3 યુવાનના ઘટના સ્થળે જ કરૂણ મોત નીપજ્યાં હતા. અકસ્માતમાં મૃત્યુ પામેલા ત્રણેય યુવાનો પાદરા તાલુકાના રહેવાસી હોવાનું જાણવા મળ્યું છે. આ બનાવની જાણ કરજણ પોલીસને થતાં તુરંત જ પોલીસ કાફલો સ્થળ પર દોડી જઇ કાર્યવાહી હાથ ધરી છે.
વડોદરા જિલ્લાના કરજણ તાલુકાના કંડારી ગામ પાસે અકસ્માતનો ભોગ બનેલા 3 યુવાનો જે બાઈક ઉપર જઇ રહ્યા હતા. તે બાઈકને કોઇપણ પ્રકારનું નુકસાન થયું નથી, જોકે ત્રણેય યુવાનનોના બાઈક પરથી પટકાતા મૃત્યું થયા છે કે પછી કોઇ અજાણ્યા વાહનની ટક્કરે મોતને ભેટ્યા છે. તે અંગે પોલીસે તપાસ હાથ ધરી છે. આ બનાવી જાણ કરજણ પોલીસને થતાં તુરંત જ પોલીસ સ્થળ પર દોડી ગઇ હતી અને 108 એમ્બ્યુલન્સને બોલાવી મૃતદેહોને પોસ્ટમોર્ટમ માટે લઇ જવા માટે તજવીજ હાથ ધરી છે.
અજય માધાભાઈ કટારા(ઉ.22) (રહે, ઇટોલા ગામ, વડોદરા) નિકુંજ ઘનશ્યામભાઈ વસાવા(ઉ.25), (રહે, ઠીકરીયા ગામ, પાદરા, વડોદરા) વિશાલ નારણભાઈ વસાવા(ઉ.22), (રહે, ઠીકરીયા ગામ, પાદરા, વડોદરા)
