અંકલેશ્વર કારમાં વહન થતો વિદેશી દારૂનો જથ્થો ઝડપી પાડતી એલ.સી.બી.

ભરૂચ જિલ્લામાં દારૂબંધીના કાયદાનો કડક પાલન કરાવવા અંગેની સૂચના જિલ્લા પોલીસ વડા રાજેન્દ્રસિંહ ચુડાસમા આપેલ હોય એલ.સી.બી પોલીસે તે અંગેની કામગીરી કરી હતી, જેમાં બાતમી મુજબ એલ.સી.બી પી.આઈ જે.એન. ઝાલાની સુચના અને માર્ગદર્શન હેઠળ અંકલેશ્વર જુના નેશનલ હાઇવે નંબર 8 ઉપર આવેલ સાંઈ ગોલ્ડન એપાર્ટમેન્ટ સામેના રોડ ઉપરથી શેવરોલેટ ક્રુઝ કારમાં ભરેલ ભારતીય બનાવટનાં વિદેશી દારૂની બોટલ નંગ 51 કિંમત રૂપિયા 20,400 અને અન્ય મુદ્દામાલ મળી કુલ રૂ. 3.40 લાખ કરતા વધુની મત્તા પોલીસે જપ્ત કરી હતી.આ બનાવ અંગે એલ.સી.બી. એ બે આરોપી જેમાં 1) જિગ્નેશ ઉર્ફે જીગો કિરીટભાઇ પરીખ રહે. અંકલેશ્વર 2) રાકેશભાઈ ગોમાનભાઈ વસાવા રહે. સુરત ની અટક કરવામાં આવી છે.