ભરૂચ : મનાડ ગામનાં બસ સ્ટેન્ડ પાસે બે ઇસમોએ પરિણીત યુવતીને બિભસ્ત શબ્દો બોલી મારામારી કરી.

ભરૂચ તાલુકાનાં મનાડ ગામ ખાતે એટ્રોસીટીનો બનાવ બન્યો હતો. આ બનાવનાં ફરિયાદી મંજુબેન મોરારભાઈ શનુભાઈ રાઠોડના જણાવ્યા મુજબ આરોપી બળવંતસિંહ ભિમસિંહ ડોડીયા તેમજ અભી બળવંતસિંહ ડોડીયા રહે. મનાડ એ સાંજના સમયે જયારે ફરિયાદી મંજુબેન બસ સ્ટેન્ડ ઉપર થઈ ઘરે જતા હતા તે સમયે આરોપીઓએ ફરિયાદીની સાથે અભદ્ર વાતચીત કરી હતી તેમજ મહિલાઓનું અપમાન થાય અને જાતિ વિષયક અપમાન થાય તેવી વાણી ઉચ્ચારી હતી સાથે સાથે ઝપાઝપી પણ કરી હતી તે પછી ફરિયાદી પોતાના ઘરે જતા આરોપીઓએ તેના ઘરે જઈ ઝપાઝપી કરી હતી તેમજ હાથમાંનો દંડો ફરિયાદીને મારવા જતાં મંજુબેનને માથામાં ઇજા થઈ હતી. આ બનાવ અંગે રૂરલ પોલીસ મથક ખાતે ફરિયાદ નોંધાતા પોલીસ તપાસનો આરંભ કરેલ છે.