ભરૂચ એલ.સી.બી. પોલીસને મળેલ બાતમી અનુસાર અને જીલ્લા પોલીસવડા રાજેન્દ્રસિંહ ચુડાસમાની સૂચના અને એલ.સી.બી. પી.આઇ. જે.એન.ઝાલાનાં માર્ગદર્શન હેઠળ એલ.સી.બી. પોલીસે અંકલેશ્વર રૂરલ પોલીસ મથકે નોંધાયેલ પ્રોહિબિશનનાં ગુનામાં નાસતા ફરતા આરોપીને પકડી પાડયો હતો. અંકલેશ્વર રૂરલ પોલીસ સ્ટેશન ખાતે નોંધાયેલ દારૂબંધીનાં ગુનામાં છેલ્લાં એક વર્ષથી નાસતો ફરતો આરોપી ભવરસિંહ હેમંતસિંહ ચૌહાણ રહે. 24-ગ્રીનવિલા સોસાયટી વિડિયોકોન કંપની સામે ચાવજને એલ.સી.બી. પોલીસ ભરૂચએ મળેલ બાતમીના આધારે આરોપીનાં ઘર ખાતેથી ઝડપી પાડયો છે. આ અંગે પી.એસ.આઇ પી.એસ. બરંડા તેમજ વાય.જી.ગઢવી વગેરેએ નોંધપાત્ર કામગીરી કરી હતી.
Advertisement
