ઝઘડિયા પોલીસે દેશી દારૂ વેચતાં ૧૩ ઈસમો વિરૂદ્ધ કાયદેસરની કાર્યવાહી હાથ ધરી.

ઝઘડિયા પોલીસ દ્વારા છેલ્લા ત્રણ દિવસમાં તાલુકાનાં અલગ અલગ ગામોમાંથી દેશી દારૂ વેચનારા ૧૩ ઈસમો વિરુદ્ધ કાર્યવાહી હાથ ધરી છે. કાર્યવાહી કરાયેલ ૧૩ ઈસમો પૈકી તેમાં ૧૦ મહિલાઓનો સમાવેશ થાય છે. હાલમાં લોકડાઉનની પરિસ્થિતિમાં દેશી દારૂ બનાવતા અને વેચતા ઇસમોને ફાવતી મળી ગઈ છે. ઝઘડિયા તાલુકામાં ખૂબ મોટા પાયે દેશી દારૂનો વેપલો ચાલે છે. આ દેશી દારૂના વેપલામાં મોટા પાયે મહિલાઓ જોડાયેલી હોય છે જે પોલીસ દ્વારા કરવામાં આવતી ફરિયાદો ઉપરથી ફલિત થાય છે. ઝઘડિયા પોલીસ દ્વારા છેલ્લા ત્રણ દિવસમાં ૧૩ ઇસમો વિરુદ્ધ દેશી દારૂના વેચાણ બદલ કાર્યવાહી હાથ ધરી છે. પોલીસ દ્વારા તાલુકાના દઢેડા, કરાડ, ઝઘડીયા, જેસપોર, ગોવાલી, કપલસાડી, ખારીયા, ધારોલી ગામમાં છાપો મારી દેશી દારૂ ઝડપી તમામ ૧૩ વિરૂદ્ધ કાયદેસરની કાર્યવાહી હાથ ધરી છે. કાર્યવાહી કરાયેલ ૧૩ ઈસમો પૈકી તેમાં ૧૦ મહિલાઓનો સમાવેશ થાય છે.આ ઉપરાંત ઉમલ્લા પોલીસ દ્વારા સંજાલી, સરસાડ, કેશરવા,વેલુગામ ગામે છાપો મારી દેશી દારૂના વેચાણ કરનાર સામે કાર્યવાહી કરી છે તથા જાહેરમાં રખડતા, માસ્ક વગરનાં, ટોળુવળી બેઠેલા, ચાર વિરુદ્ધ કાર્યવાહી હાથ ધરી છે.