વાંકલ : કેવડી ગામનાં કોરોના વાયરસ પોઝિટિવ દર્દી સારા થઇ પરત આવતાં ગ્રામજનોએ ફુલહારથી સ્વાગત કરી તાળીઓનાં ગડગડાટથી અભિવાદન કર્યું.

ઉમરપાડા તાલુકાના કેવડી ગામના કોરોના વાયરસ પોઝિટિવ દર્દી સારા થઇ પરત વતન કેવડી ગામે આવતાં ગામના સરપંચ અને આગેવાનો ગ્રામજનોએ ફુલહાર કરી સ્વાગત અભિવાદન કર્યું હતું. કેવડી ગામમાં મેડિકલ સ્ટોર ચલાવતા મહેન્દ્રભાઈ પુરોહિતના સેમ્પલ રિપોર્ટ કોરોના વાયરસ પોઝિટિવ આવતાં તેમને સારવાર માટે આરોગ્ય તંત્ર દ્વારા સુરત લઈ જવામાં આવ્યા હતા. પંદર દિવસની સારવાર બાદ તેઓ સંપૂર્ણ સ્વસ્થ થઇ ગયા હતા. તેમજ ફરીવાર લીધેલા સેમ્પલનાં રિપોર્ટ નેગેટિવ આવ્યા હતા. જેથી આજરોજ તા.5 મી ના તેઓ વતન કેવડી ગામે આવતાં ગામનાં સરપંચ વનીતાબેન વસાવા, અમીષ વસાવા સહીત ગ્રામજનો અને વેપારી મંડળનાં સભ્યોએ કોરોના વાયરસને માત આપીને આવેલા મહેન્દ્રભાઈ પુરોહિતનું ફુલહારથી સ્વાગત કરી તાળીઓનાં ગડગડાટથી અભિવાદન કર્યું હતું.