જિલ્લા પોલીસ વડા અને વડોદરા રેન્જ આઇ.જી.એ રાજપારડીની મુલાકાત લીધી.

કોરોના વાયરસ અંતર્ગત દેશ વ્યાપી લોકડાઉનનો હાલ અમલ ચાલી રહ્યો છે.ત્યારે લોકડાઉનને લઇને સરકારી જાહેરનામાનો ભંગ ના થાય તે માટે પોલીસ દ્વારા કડક પગલા ભરાતા હોય છે.ભરુચ જિલ્લા પોલીસ વડા રાજેન્દ્રસિંહ ચુડાસમાએ સોમવારે બપોરે ઝઘડીયા તાલુકાના રાજપારડીની આકસ્મિક મુલાકાત લીધી હતી.ત્યારબાદ મંગળવાર બપોરે વડોદરા રેન્જ આઇ.જી.અભય ચુડસમાએ રાજપારડીની ટુંકી મુલાકાત લીધી હતી.બંને પોલીસ અધિકારીઓએ પરિસ્થિતિની સમીક્ષા કરી હતી.અને રાજપારડી પીએસઆઇ જે.બી.જાદવ સાથે જરુરી ચર્ચા કરી હતી.નગરનાં નાગરીકોના સહકારથી પોલીસ દ્વારા લોકડાઉનના કડક અમલની કરાતી કામગીરીને આવકારી હતી.ઉપરાંત ફરજ બજાવતા પોલીસ જવાનોએ હાલ પૌષ્ટિક આહાર લેવો હિતાવહ છે અને કોરોના સંક્રમણથી બચવા સેનેટાઇઝરનો ઉપયોગ કરતા રહેવાની સલાહ આપી હતી.જિલ્લા પોલીસ વડા અને વડોદરા રેન્જ આઇ.જી.એ રાજપારડીની ટુંકી મુલાકાત દરમિયાન હાલમાં ચાલી રહેલા લોકડાઉન અંતર્ગત પરિસ્થિતિ નિહાળીને પોલીસ જવાનોને જરુરી માર્ગદર્શન આપ્યુ હતું. તેમજ જનતા પણ જાહેરનામાનાં અમલ માટે તંત્રને પુરો સહયોગ આપે એવો અનુરોધ કર્યો હતો.

ગુલામહુશેન ખત્રી રાજપારડી જિ.ભરૂચ.