ભરૂચ જિલ્લાના ઝઘડીયા તાલુકાના રાજપારડી ગામે પોલીસ સ્ટેશનમાં પોલીસ જવાનો માટે તબીબી કેમ્પ યોજવામાં આવ્યો હતો.આ કેમ્પમાં ૫૦ જેટલા પોલીસ જવાનોના રકત પરિક્ષણ કરવામાં આવ્યા.ઉલ્લેખનીય છે કે પોલીસ જવાનો ઘણીવાર શારીરિક તકલીફો વચ્ચે પણ ફરજ બજાવતા હોયછે.ખાસ કરીને ડાયાબિટીસ, તાવ, બ્લડ પ્રેશર, વાયરલ ઇન્ફેક્શન જેવી શારિરીક વ્યાધિઓ દરમિયાન ફરજ બજાવતા પોલીસ જવાનો તકલીફ અનુભવતા હોય છે ત્યારે સ્થળ પર જ પોલીસ જવાનો માટે રકત પરિક્ષણ કરીને રોગનિદાન થાય તો પોલીસ જવાનોને ફરજ બજાવવામાં સુગમતા રહે.તેથી રાજપારડી પોલીસ સ્ટેશનમાં યોજાયેલા આ તબીબી કેમ્પમાં પીએસઆઇ જાદવ સહિત પોલીસ જવાનો ઉપસ્થિત રહ્યા હતા અને કેમ્પનો લાભ લીધો હતો.
ગુલામહુશેન ખત્રી રાજપારડી જિ.ભરૂચ
Advertisement
