સુરતમાં પત્ની અને તેણીના પ્રેમીને ઘરે બોલાવી પતિએ હિંસક હુમલો કર્યો.

સુરતમાં પત્ની અને તેણીના પ્રેમીને ઘરે બોલાવી પતિએ બંનેને તિક્ષ્ણ કટરનાં ઘા ઝીંકી ગંભીર ઇજા પહોંચાડી હોવાનો કિસ્સો પ્રકાશમાં આવ્યો હતો. સુરતના અમરોલીમાં પત્નીના અન્ય રત્નકલાકાર સાથેના સંબંધનો સ્વીકાર કરી છૂટાછેડા આપવાની તૈયારી દર્શાવી પતિએ પત્ની અને તેના પ્રેમીને ઘરે બોલાવી હિંસક હુમલો કર્યો હતો. પતિએ પત્નીને કટરના અસંખ્ય ઘા મારતા ગંભીર હાલતમાં સારવાર અર્થે હોસ્પિટલ ખસેડવામાં આવી હતી. ત્યારબાદ પોલીસમાં ફરિયાદ નોંધાવવામાં આવતા પોલીસે આરોપી પતિની ધરપકડ કરી વધુ તપાસ હાથ ધરી છે.