ધીરુભાઈ અંબાણી મેમોરિયલ કોર્પોરેશન ક્રિકેટ ટુર્નામેન્ટમાં ફિલાટેકસ ઇન્ડિયા વિજેતા.

ધીરુભાઈ અંબાણી મેમોરિયલ કોર્પોરેશન દ્વારા દહેજની સરસ્વતી ટાઉનશીપ ખાતે રિલાયન્સ કપ ૨૦૧૯-૨૦ નું આયોજન કરવામાં આવ્યું હતું. આ ટુર્નામેન્ટમાં ૨૮ જેટલી કંપનીઓની ટીમોએ ભાગ લીધો હતો. રિલાયન્સ કપની છ લીગ મેચ, ક્વાર્ટર ફાઇનલ અને સેમી ફાઇનલમાં ફિલાટેક્સ ઇન્ડિયા લિમિટેડની ટીમે શાનદાર દેખાવ કર્યો હતો. રિલાયન્સ કપની ફાઇનલ મેચ ઓપેલ અને ફિલાટેક્સ ઇન્ડિયા વચ્ચે રમાઈ હતી. રસાકસી ભરેલી ફાઇનલ મેચમાં ટોસ જીતી ફિલાટેક્સ બેટિંગ લઈ ૨૦ ઓવરમાં ૮ વિકેટે ૧૪૨ રન કર્યા હતા. હરીફ ઓપલની ટિમને ફિલાટેક્સની ટીમે વીસ ઓવરમાં જ ૧૩૮ રને ઓલાઉટ કરી ઘરભેગા કરી જ્વલંત વિજય પ્રાપ્ત કર્યો હતો. ઉલ્લેખનીય છે કે ફિલાટેક્સ ઇન્ડિયા દહેજના પ્લાન્ટ હેડ વેણુ વ્યાસના માર્ગદર્શન હેઠળ સતત ત્રીજી વખત કંપનીની ટીમે રિલાયન્સ કપ હસ્તગત કરતા ફિલાટેક્સમાં ગુડ ફિલનું વાતાવરણ છવાયું હતું.