સુરતના રિંગ રોડ વિસ્તારમાં ઉમરવાળામાં કીરણ હાઉસ કોમ્પ્લેક્ષનાં ગ્રાઉન્ડ ફલોરમાં આગ લાગતા નાશભાગ મચી જવા પામી હતી.

સુરત રિંગ રોડ સ્થિતમાં કિરણ હાઉસ માર્કેટમાં આગ લાગતાં આગની ઘટના અંગે સુરત મનપાના ફાયર વિભાગને જાણ કરાતા આગ ફાયરની 8 થી 9 ગાડીઓ સહિતનો કાફલો ઘટના સ્થળે દોડી ગયો હતો અને આગ ઓલવવાની કામગીરી પૂરજોશમાં શરૂ કરવામાં આવી હતી. બનાવ અંગે સલાબતપુરા પોલીસને જાણ થતા પોલીસ ટુકડી પણ ઘટના સ્થળે પહોંચીને જરૂરી ટ્રાફિક નિયમનની કામગીરી હાથ ધરી હતી.