અંકલેશ્વર રૂરલ પોલીસે ઉટીયાદરા ગામની સીમમાં આવેલ શીલાલેખ રેસીડેન્સી પાસેથી વિદેશી દારૂનો જથ્થો ઝડપી પાડયો હતો.

અંકલેશ્વર તાલુકા પોલીસ મથકનો સ્ટાફ પાનોલી વિસ્તારમાં પેટ્રોલિંગમાં હતો તે દરમ્યાન બાતમીના આધારે ઉટીયાદરા ગામની સીમમાં આવેલ શીલાલેખ રેસીડેન્સી નજીક દરોડા પાડયા હતા તે વખતે બે બુટલેગર સ્થળ પરથી ફરાર થઇ ગયા હતા. પોલીસે વિદેશી દારૂની 356 નંગ બોટલ અને એક્ટિવા તેમજ એક ફોન મળી કુલ 58 હજારથી વધુનો મુદ્દામાલ જપ્ત કર્યો હતો. પોલીસે ફરાર બન્ને બુટલેગરને વોન્ટેડ જાહેર કરી વધુ તપાસ હાથ ધરી છે.