ભરૂચનાં ઝાડેશ્વરની વૈભવ સોસાયટીમાં શંકાસ્પદ યુવાનને શિયાળુપાક ચખાડતા લોકો.

ભરૂચનાં ઝાડેશ્વર ગામમાં આવેલ વૈભવ સોસાયટીમાં વહેલી સવારે એક યુવાન શંકાસ્પદ હાલતમાં ફરતાં તેને લોકોએ જોતાં ચોર સમજીને શિયાળામાં ઢાળી નાંખતો વિડીયો વાઇરલ થયો છે. આજે ભરૂચનાં ઝાડેશ્વર ગામનાં વૈભવ સોસાયટીમાં વહેલી સવારે એક યુવાન શંકાસ્પદ હાલતમાં જોતાં કેટલાક લોકોને તેની હિલચાલ શંકાસ્પદ લાગતાં તેને પકડીને એક ધાર પાસેની લોખંડની જાળી સાથે બાંધીને મહિલા અને યુવાનો દ્વારા શિયાળુ પાક આપવાનું શરૂ કર્યું હતું. યુવાન બોલે તે પહેલા જ તેને લોકોએ ચંપલ અને પ્લાસ્ટિકનાં પાઈપથી મારવાનું શરૂ કર્યું હતું. જોકે તેને અધમૂવો કરી નાંખ્યો હતો. આ યુવાનને લોકો મારી રહ્યા હતા ત્યારે તેનો વિડીયો બનાવી લોકોએ સોશિયલ મીડિયા પર વાઇરલ કરી નાંખ્યો હતો. જોકે સી-ડિવિઝન પોલીસ મથકને સોંપતા પોલીસ કાર્યવાહી કરવાની તજવીજમાં છે.