સુરત : અડાજણ પોલીસે મથુરા નગરી સોસાયટીમાં રેડ કરીને દારૂનો જથ્થો ઝડપી પાડયો.

સુરતની અડાજણ પોલીસે અડાજણની મથુરા નગરી સોસાયટીમાં રેડ કરીને દારૂનો જથ્થો ઝડપી પાડયો હતો. અડાજણ પોલીસને અડાજણની મથુરા નગરીમાં ઈંગ્લીશ દારૂ વેચાય રહ્યો હોવાની બાતમી મળતા પોલીસે ઓચિંતી રેડ કરતા ઇન્દ્રજીત નામનો શખ્સ ઝડપાઇ ગયો હતો. તેની પાસેથી પોલીસે ઈંગ્લીશ દારૂનો અંદાજે ૪૦ હજારનો જથ્થો ઝડપી પાડયો હતો. આ જથ્થો મથુરા નગરીમાં રહેતા રાજુ સોની નામના બુટલેગરનો હોવાનું પોલીસે જાણતા પોલીસે ઇન્દ્રજીતની પ્રોહિબિશન એક્ટ અંતર્ગત અટકાયત કરીને ગુનો દાખલ કર્યો હતો. ફરાર બુટલેગર રાજુ સોની વિરુદ્ધ પણ ગુનો દર્જ કરી તેની ધરપકડના ચક્રો ગતિમાન કર્યા હતા.