અંકલેશ્વરના ચૌટા નાકા વિસ્તારમાં આવેલ રાજનગરી સોસાયટીમાં તસ્કરોએ એક બંધ મકાનને નિશાન બનાવી ચોરી કરી ફરાર થઇ ગયા હતા જો કે એક તસ્કર સામેના મકાન બહાર લગાવેલ સીસીટીવી કેમેરામાં કેદ થયો હતો.

પ્રાપ્ત માહિતી મુજબ અંકલેશ્વરની રાજનગરી સોસાયટીમાં રહેતા તેજસ મોદી મકાન બંધ કરી બહારગામ ગયા હતા. તે દરમ્યાન તસ્કરોએ તેમના મકાનને નિશાન બનાવી દરવાજાનું તાળું તોડી અંદર પ્રવેશી તિજોરી તોડી સામાન વેરવિખેર કરી ચોરી કરી ફરાર થઇ ગયા હતા,આ ચોરીની જાણ સામેના મકાન માલીકને થતા તેઓએ શહેર પોલીસને જાણ કરતા પોલીસ દોડી આવી તપાસ કરતા સામેના મકાનની બહાર લગાવેલ સીસીટીવી ચેક કરતા એક તસ્કર નજરે પડ્યો હતો ,જો કે તેજસ મોદી બહારગામથી આવ્યા બાદ જ માલમત્તાની ચોરી અંગે માલુમ પડશે હાલ પોલીસે સીસીટીવી ફૂટેજના આધારે તપાસ હાથ ધરી છે.