ભરૂચ-પાનોલી ની રેમીક કેમિકલ કંપની માં સલ્ફયુરીક એસિડની ટેન્ક માં લિકેજ થી દોડધામ…

દિનેશભાઇ અડવાણી

ભરૂચ જિલ્લાના અંકલેશ્વર નજીક આવેલ પાનોલી જીઆઇડીસી વિસ્તારની રેમીક કેમીકલ કંપનીમાં સલ્ફયુરિક એસીડ ટેન્કમાં લિકેજના પગલે દોડધામ મચી હતી.કંપની બહાર વરસાદી કાંસમાં એસીડ વહેતા ભયનો માહોલ જોવા મળ્યો હતો.હાલ પાનોલી ફાયર વિભાગ ના લાશકરોએ ઘટના સ્થળે દોડી જઈ પરિસ્થિતિ ઉપર કાબુ મેળવવા ના પ્રયત્નો હાથ ધર્યા છે.એસિડ લીક થવાની ઘટનાના પગલે એક સમયે લોકોમાં ભયનો માહોલ છવાયો હતો.જોકે સમગ્ર ઘટનામાં સદનસીબે કોઈ પણ પ્રકારની જાનહાની થવા પામી ન હતી.